१२ वडाया एसं.ई.इं विद्यार्थीपिन्त सम्मान क्वचाल

महिला बौद्ध समूहया ग्वसालय् १२ वडा च्वंपि एस.ई.ई पास जुपिं विद्यार्थीपिन्त बुद्धबारी क्यबय् सम्मान यागु दु । बुद्धपुजा यानाः न्ह्यागु ज्याझ्वलय का.म.पा १२ वडाका अध्यक्ष बाल कृष्ण महर्जन मूँपाहा कथं झागु खः ।
कोभिडया कारण २०७६,२०७७ व २०७८ स्वंगु सालया विद्यार्थिपिन्त सम्मान यागु खः । सम्मानया उगु ज्याझ्वलय् करीव १०० म्ह विद्यार्थिपिं दुगु समुहया अध्यक्ष श्रीमिला सुवालं जानकारी बियादिगु दु । उगु ज्याझ्वलय् पास जुपिन्त प्रमाण पत्रया नाप नापं विभिन्न संघ संस्था व व्यक्तिपिन्सं नं मतिनाया चिं कथं रजिष्ट्रड कापि कलम बियादिगु खः ।
ज्याझ्वलय् नवासेंं का.म.पा १२ वडाया अध्यक्ष बाल कृष्ण महर्जनं एस ई ई पास जुपिं विद्यार्थीपिन्त भिन्तुना विसे महानगरपालिका विया च्वंगु तालिम मस्तय् विषय नापं ज्वलासा तालिमया निम्ति पहल याय्त धयादिगु दु । अथेहे ज्यापु महागुथि येँ महानगर समितिया अध्यक्ष पञ्च नारायण महर्जनं न्हापा नयां गेट धयातगुसां आ अपुगुलि विद्यार्थिपिंस लक्ष्य तय तयमागु अले तिनि सफल जुइफइ धयादिल । ज्याझ्वलय् का.म.पा १२ वडाका सदस्य पुष्प रत्न प्रजापति,का.म.पा १२ वडाका महिला सदस्य नानी हेरा डंगोल,सल्लाहकार द्वय सन्तकुमार महर्जन , निर्मला शाक्य , ओन्दे त्वाःया अध्यक्ष पूर्ण महर्जन,ब्रम्ह स्पोर्ट क्लबया अध्यक्ष सगुन मान श्रेष्ठ व नारायण परिवार क्लबका उपाध्यक्ष निरज कुमार महर्जनया उपस्थिति दुगु उगु ज्याझ्वलय् स्वागत मन्तव्य समूहया उपाध्यक्ष गंगा डंगोल व धन्यवाद ज्ञापन अध्यक्ष श्रीमिला सुवालबियादिगु खः । ज्याझ्व समुहया सचिव सुनिता महर्जनं न्ह्याकादिगु खः ।