बोल्नै छोड्यौ तिम्ले किन ?
बोल्नै छोड्यौ तिम्ले किन ?
हिजो आज मलाई
आगो बाल्यौ दिलको माझ
कोरेर काँटी सलाई !
अपेक्षा राखेको थिएँ त मैले
असीम तिम्रै माया पाउने
उपेक्षा गरेको गर्यै तिम्ले
ब्यर्थै मै मात्र कति धाउने ?
प्रतिक्षा तैपनि दोबाटो कुरेर
भ्याएसम्म आँखा बिछ्याएर
मनमा अगाढ माया फुराएर
परोक्ष इशारालाई पछ्याएर ।
शुभेच्छा छ मेरो त्यो मुटुभित्र
मायाको जाँगर चुलोस्
कोर्दैछु भविष्यको सुन्दर चित्र
देखेर जो कोहि भुलोस् ।
प्रतिज्ञा अडिग छ तिमी पाउन
तिमी बाहेक अरु रोज्दिन
आकांक्षा जसरी नि पुरा गर्नुछ
जाग्रामै बसेर नि रात दिन ।
