जिं ला मेगु मखं

झिंखुदँ फुनाः धकंधः
ल्यासे जुया चञ्चल छ
वाइभनं बैश मसंक
पलाः छीगु छं तीजक
मिखा वनाः उकी हे जि
छंगु लिउलिउ वैगु खः
छन्त यंकेगु तातुनाः
मतिनाया छुमां तैगु ख

लोवन छ जितः अतिकं
भचा जक मखु गाक्कं
नुरे जि लिसे थौं हे छ
जुइगु आखिर भौ हे खः
जिराः जुयाच्वंसा बैश
बाज्यः वनीगु भाय्प्वः
थ्व ब्रम्हं धाये मात्रं
सत्य जिं ला मेगु मखं

लात्तले भाःपी मफुपिं
आत्तले ब्याहा मजूपिं
माःसा थन यक्व हे लुइ
धन्दा जितः छ नं अथे जुइ
उकिं खुरुक्क खँ मन्यसा
अप्वः मात्ते जूया च्वंसा
अराः जुयाः बैश,
सितिकं वनीगु भाय्प्वः
सत्य जिं ला मेगु मखं

बहा वंगु खुसि हाकनं
लिहां गनं हे मवः
यौवन व रुप धैगु न
स्वां झ्वाः ज्वीगु थें स्व
थुजोगु ख“ ध्वामथूसा
बिचाः इलय् हे मयाःसा
सराः जुया बैश,
धिक्कार धायेगु भाय्प्व
सत्य जिं ला मेगु मखं ।